Uburyo wafungura mudasobwa yawe ukoresheje Telephone yawe ya Android cyangwa iPhone

... by crook in How To 1312

Abenshi muri twe dufite mudasobwa murugo cyangwa mudasobwa ngendanwa(Laptop) ariko uburyo abenshi dukoresha dufungura mudasobwa zacu ni uburyo bwo gukoresha Username ndetse na Password. Ese wabifata ute nkubwiye ko hari ubundi buryo bufite umutekano uhambaye ushobora gukoresha ugaha mudasobwa yawe umutekano usesuye uwo mutekano wa mudasobwa yawe ushobora kuwugeraho wifashishije Telephone yawe.

Ubu buryo tugiye kurebera hamwe buzagufasha kuba wafungura mudasobwa yawe wifashishije Telephone yawe yaba ikoresha Operating System ya Android cyangwa ikoresha iOS, aho ukoresha mudasobwa biba bitamusaba gushyiramo username ndetse na password muri mudasobwa ye kugira ngo abashe kuyifungura ahubwo hano icyo azaba asabwa nuko azaba afite telephone ye gusa akabasha gufungura mudasobwa ye mu buryo bworoshye nta ngorane.

Ushobora kuba aribwo bwambere ubonye ijambo Operating System bikagutera kwibaza uti ese rishatse kuvuga iki?

Operating System ni porogaramu y'ibanze igenzura buri kimwe gikorerwa muri mudasobwa si mudasobwa gusa kubera ko ama telephone menshi dukoresha muri iki gihe nayo afite Operating System. Ntabwo tugiye kuvuga kuri Operating System uyu munsi ahubwo reka dukomereze ku buryo wafungura mudasobwa yawe ukoresheje telephone ikoresha Operating System ya Android cyangwa iOS.

Kugira ngo tubashe gufungura mudasobwa yacu twifashishije Telephone hari ibyo dusabwa:

1. Porogaramu yitwa Rohos Logon Key ijya muri mudasobwa
ndetse ikaba inafite version ya Telephone.

2. Mudasobwa

3. Telephone ikoresha Android/iOS

4. Network 

Ibyo tubonye haruguru niba ubyujuje reka dutangire.

1. Manura Porogaramu Yitwa Rohos Logon Key

Mbere na mbere banza umanure porogaramu yitwa Rohos Logon Key uyishyire muri mudasobwa yawe. Ushaka kuyimanura wakurikira iyi link( Kanda hano uyimanure). Umaze kuyishyira muri mudasobwa yawe unayifunguye uzahita ubona ifoto isa n'iyi ikurikira.


2. Umaze kubona ifoto isa n'iyo tubonye haruguru hita ukanda ahanditse Options, hazahita hafunguka akandi kadirishya uhitemo ahambere urabona amahitamo menshi nurangiza uhitemo  Mobile Phone (Android/iOS).


Aho ubona hari utumenyetso tw’umutuku nawe ubikore bise neza nk'uko ubona aho bimeze kuri iyo foto iri haruguru .

Kanda OK urahita usubira ku ifoto isa niyo twatangiriyeho(1) maze ukande ahanditse SetUp Authentication key utaragira byinshi ukora banza ufate telephone yawe umanure porogaramu ya Rohos Logon Key  urebe neza ko yageze muri Telephone yawe  nurangiza usubire kuri mudasobwa yawe .

3.Twafashe telephone yacu tumaze gukanda ahanditse Authentication Key umaze kuhakanda urahita ubona ifoto isa n'iyi ikurikira.


Umaze kubona ifoto isa n'iyi jya iruhande rw’ibumoso aho hari akamenyetso gasa n’umutuku ushyiremo password wari usanzwe ukoresha harahita haza ayo ma QR code(ibimenyetso birimo umukara n’umweru) nurangiza ufate telephone yawe ufungure ya porogaramu  washyizemo yitwa Rohos Logon Key ukande ahanditse Scan Rohos Logon QR Code. Bazahita bagusaba kumanura akandi ga porogaramu kitwa Barcode Scanner ukamanure nurangiza nikamara kugera muri telephone yawe, wongere ufungure Rohos ukande ahanditse “Scan Rohos Logon QR Code.” Ubundi unyuze camera ya telephone yawe kuri biriya bimenyetso bisa n'umukara n’umweru .

Umaze kuyascanna bazaguha ubutumwa busa n'ubwi'yi foto ikurikira.


Kanda ahanditse OK. 

Ubu nibwo buryo bwiza wakongera umutekano wa mudasobwa yawe ukoresheje Telephone yawe ngendanwa. Wakunze ibyo twanditse wabisangiza n’abandi.

Hari ikibazo cyangwa inyunganizi ufite wabitugezaho ubinyujije ahagenewe ibitekerezo.



Comments

... by Nsengimana jean de dueu

Igitekerezo mfite nigute umuntu wamenya password ya wireless tuvuge wibereye kurugendo ugeze ahantu hari wireless kdi nta password ufite

... by Nsengimana jean de dueu

Igitekerezo mfite nigute umuntu wamenya password ya wireless tuvuge wibereye kurugendo ugeze ahantu hari wireless kdi nta password ufite

... by Solve it Rwanda

are you sure is that trusted????

... by

mwiriwe nje narabikoze ariko machine yanje ubu ntifunguka kbs sinzi icyo mwamfasha

... by Ktimez

uwo musomyi wacu waba yahuye n'ikibazo arimo akora ibingibi yatwandikira email kuri ktimezrwanda@gmail.com aduhe details zose. tube twabasha kumufasha!!!

... by Nshimiyimana jmv

Nonese ko mutubwiye uko tubyensitara ntimutubwire uko twajya tuyifunguza iyo telephone? Murakoze

... by ktimez

iyo ushatse kuyikoresha iyo ushaka kuyikoresha kuri login ugahitamo “Login by USB Key”. warangiza ugakoresha porogaramu iri muri telephone yawe ahanditse "unlock PC "

... by Bruno

By Crook

... by Gentil

Man ibi by a blotse machine yanjye. ..nimubwire uko nabivamo. Nabikoze ngikora Oriya step yambere yo Ku install nkuzuza nkakuriya bimeze Ku ifoto ya 2 maze gukanda OK sinakomeza step neza kuzimya machine none ndikuyifungura ikambaza user name na password.. Byancanze ni munsobanurire

Write your comment

Ndabaga Micheal

@crook
...

About me

I am a software engineer with extensive experience and author and works for a ktimez.com

Software Development

Want a Software ?

Here at Ktimez Inc we have qualified programmers that can develop a great web based,desktop and mobile(Androi&IOS) apps for you.

Hire Us

Learn Programming With Us

Want To Improve in your Programming Skills?

Here at Ktimez Inc we have qualified programmers that can teach you every language you are willing to know.

Hire Us

IT and Computer Traings

Software And IT Home Training

You like our daily ICT and Tech news? Hire us, we have a lot of engineers and qualified and skilled IT specialist to train you wherever you are.

Hire us

Copyright © Ktimez.com 2017